Mesfushori i Kosovës, Elvis Rexhbecaj, pritet të largohet nga FC Augsburg në fund të këtij sezoni, pasi kontrata e tij skadon gjatë verës.

28-vjeçari, i cili ka zhvilluar plot 210 ndeshje në Bundesliga për VfL Wolfsburg, 1. FC Köln, VfL Bochum dhe Augsburgun, pritet të jetë një nga emrat më të kërkuar në merkato, pasi do të jetë lojtar i lirë.

Sipas mediumi gjerman “Kicker”, disa klube janë futur në garë për shërbimet e tij, ndërsa ndër më të interesuarit janë Borussia Mönchengladbach dhe Werder Bremen.

Madje, Gladbach kishte shprehur interesim për Rexhbecajn që në afatin kalimtar të dimrit, duke e konsideruar si opsion në rast të largimit të Rocco Reitz. Interesimi për mesfushorin kosovar vazhdon të mbetet i fortë edhe tani.

Megjithatë, si Gladbach ashtu edhe Werder Bremen përballen me një pasiguri sa i përket qëndrimit në Bundesliga sezonin e ardhshëm, gjë që mund të ndikojë në vendimin final të lojtarit.

Pas katër viteve te Augsburg, ku ka zhvilluar 115 ndeshje zyrtare dhe ka shënuar gjashtë gola, Rexhbecaj tashmë është në kërkim të një projekti afatgjatë për të ardhmen e tij.

Një lajm i hidhur për të erdhi së fundmi me Kosovo national football team, që dështoi të kualifikohet në Kupën e Botës pas humbjes 0-1 ndaj Turqisë në play-off, nën drejtimin e trajnerit Franco Foda.

Rexhbecaj ishte titullar në këto përballje, duke luajtur 90 minuta ndaj Sllovakisë dhe 80 minuta kundër Turqisë. Pas eliminimit, ai reagoi në rrjetet sociale duke e cilësuar si “humbjen më të dhimbshme të karrierës”, por duke shtuar se “ky është fillimi i diçkaje të madhe”.

Këtë sezon ai ka realizuar dy gola./Arbresh.info